| ::Skylduskoðun:: |
laugardagur, október 28, 2006 Nýtt blogg ÉG ER FLUTT :)HINGAÐ ------ HTTP://123.IS/KOLLSTER Hvet ykkur til að koma og skoða nýju síðuna mína því ég hef fengið nóg af því að vera hér þar sem þetta er alltaf að bila og slík leiðindi. ég mun eflaust sakna bloggersins en nýir tímar ..ný ráð :) Kollsterinn..með síðasta bloggið hér ..sjáumst hress á nýjum stað [2:47 e.h.] [ ] ***
fimmtudagur, október 26, 2006 FIMM MANNESKJUR SEM MAÐUR HITTIR Á HIMNUM Bók nr. 2Bók númer tvö kom mér á óvart því náði að halda mér alveg statt og stöðugt þó svo að kröfurnar væru miklar eftir lesturinn á síðustu bók. Þessi bók er bók sem ekki bara breytir hugsunum manns eftir að hafa lesið hana heldur breytir eflaust að einhverju leyti lífi manns í framhaldið. Hún fjallar um mann sem heitir Eddi ...hann deyr í byrjun bókar og bókin fjallar um hvað gerist eftir að hann kemur til himna eins og titillinn gefur til kynna. Hann hittir fimm manneskjur sem á einhvern hátt höfðu hver og ein áhrif á líf hans jafnvel sumar án þess að hann gerði sér neina grein fyrir því í lifanda lífi. Bókin fékk mig til að hugsa allan tímann hverja ég myndi hitta ef þetta væri fyrirkomulagið á himnum. Það er skemmtileg flétta í bókinni ef ég má orða það þannig og manni fer strax að þykja vænt um hann Edda. Ég held að allir hafi gott af því að lesa þessa bók og eiginlega sérstaklega þeir sem eru ráfandi í lífinu og finnast jafnvel lífið ekki hafa neinn stórkostlegan tilgang. Held að þessi bók geti hreinlega hjálpað lesandanum að finna sinn eigin tilgang. Já þetta eru stór orð en ég stend bakvið þau alla leið. Bókin sýnir manni svo skýrt og greinilega jafnframt því að gera það fallega að það er ALLTAF tilgangurinn með lífinu sem hver og einn lifir. Við sjáum það bara ekki alla daga. Höf : Mitch Albom Útg : JPV Kollsterinn...ennþá bókaormur. [4:47 e.h.] [ ] ***
VILTU VINNA MILJARÐ ? bók nr. 1Fyrsta bókin sem ég las þessa bókavertíð er ekki bara sú fyrsta heldur leyfi ég mér að segja að ég held að geti orðið sú besta líka. Það er fátt erfiðara en að fá svona góða bók í hendurna ..lesa hana á innanvið sólarhring því ég gat barasta ekki slitið mig lausa og fara svo í beinu framhaldi í það verkefni að lesa fleiri bækur. Nú einfaldlega af því að þær bækur sem koma í framhaldið þurfa að vera annsi mikið góðar til að ná með hælana þar sem þessi bók hefur tærnar. Já hún er virkilega svona góð gott fólk. Bókin fjallar í stuttu máli um indverskan dreng sem svarar tólf spurningum rétt í keppni sem ber nafnið viltu vinna miljarð. Hann er handtekin daginn eftir keppnina því lögreglan og þáttastjórnendur telja hann ekki geta hafa unnið keppnina heiðarlega þar sem hann er bara fátækur þjónn. Hann fær svo lögfræðing og er bókin saga hans til lögfræðingsins um hvernig hann vissi svarið við hverri spurningu í keppninni. Á bakvið hverja spurningu er semsagt lítil saga um þennan góða mann. Hver saga inniheldur svo ótrúlega margt , svo margt um mannlegt eðli og þetta er skrifað svo ótrúlega fordómalaust og einlægt eins og eiginlega að þetta væri sannsögulegt þó að svo sé ekki. Bókin sýnir manni ótrúlega fallega hlið á lífinu og kennir manni lexíu um karmað manns sem ég vil þó ekki fara nánar út í þar sem þú lesandi góður átt pottþétt eftir að lesa þessa bók ef þú hefur snefil af áhuga fyrir góðum bókum. Ég leyfi mér að segja að þetta sé skyldulesning og þegar ég lauk við bókina vonaði ég eiginlega að spurningarnar hefðu verið mun meiri en tólf svo ég fengi meira af bókinni. Höf : Vikas Swarup Útg : JPV Kollsterinn...Bókaormur [9:24 f.h.] [ ] ***
þriðjudagur, október 24, 2006 Bókajól - Jólabók Þá er jólabókaflóðið í raun hafið hér á mínu heimili því ég er komin með þrjár bækur á borðið hjá mér sem stendur til að klára helst fyrir næstkomandi mánudag og taka þá þrjár í viðbót í næstu viku. Mun koma hér með gagnrýni persónulega frá mér á hverja bók eins og ég hef gert oft fyrir jólin svo þið lesendur sem kanski lesið ekki blöðin en langar að vita hvað ótrúlega venjulegum bókaorm eins og mér finnst um bækurnar getið lesið ykkur til hér.Hlakka ótrúlega mikið til og er nú þegar komin vel á veg í bók nr. 2 ...er samt að hugsa um skrifa um þær allar þrjár alltaf í einu svo þetta verði ekki endalaust mörg blogg :) Kollsterinn..bókaormurinn [6:48 e.h.] [ ] ***
mánudagur, október 23, 2006 kommentasvör Sælt veri liðið mitt og hitt fólkið líka :)Gott að frétta ...ætla að byrja á smá kommentasvörun. Hanna siss...elska þig líka mest í heimi hér sæta mín , yndislegt að fá að koma og sjá þér líða betur með hverjum deginum því that´s what sisters are for :) Eva María eða Litla mommsa...takk fyrir sunnudagsheimsóknina, minns kemur kanski í vikunni og fær að knúsa þig í vinnunni ef það er í lagi :) sakna knúsanna þinna. Pálí...elska þig líka músan mín. Kallinn þinn er orðin ótrúlega duglegur í skvassinu, nú verð ég bara að vera duglegri að æfa því hann á mikla yfirburði yfir mig í þrekinu þó uppgjafirnar séu kanski örlítið og sko bara örlítið betri mín megin ;) takk sömuleiðis fyrir helgina sæta mín og hlakka til að hittast næst. Hulda...vegna anna ??? hmm... þinns barasta vill ekki í skvass vegna nýtilkomins jaðar-áhuga þá erum við skvass fólkið ekki eins spennandi (ein bitur) en væri gaman að ná þér í skvass samt sem áður því tíminn er jú skemmtilegur þó sportið sé búið að minnka í áhuga hjá þér..þá er ég náttla svo ótrúlega skemmtileg. :) gaman að sjá komment og því reyni ég að vera dugleg að svara þeim svona af og til. Lítið annað sem ég hef að segja á þessum fína mánudegi, er nett slöpp en samt ekki alveg orðin veik ennþá og vona að ég verði það bara helst ekki neitt :) Kollsterinn...ekki meira í bili. [1:19 e.h.] [ ] ***
föstudagur, október 20, 2006 Helgin og Bókin Það er alveg merkilegt hversu mikið það gleður mig að vera komin með ADSL myndlykil hjá símanum. Ekki bara eru gæðin í sjónvarpinu mínu helmingi betri og rúmlega það , heldur er ég komin með vidjóleigu inn í sjónvarpið mitt....búin að losna við stöð 2 hlunkinn (afruglarann) en er samt með stöð 2 og það minnkaði um heilan helling snúrum á heimilinu sem eru alltaf gleðitíðindi.Helgi framundan og planið er að vera heima með konu og börnum fyrir utan auðvita að taka nettan skvass-leik með geiranum mínum í kvöld og svo auðvita leynifundur í fyrramálið með Pálí minni og skvass beint eftir fund með hennar heittelskaða Dodda litla :) þetta verður góð helgi..ég finn það... p.s. er dottin inn í góða bók sem ég byrjaði að lesa áðan og er líklegast rétt tæplega hálfnuð með :) jeij jeij elska að finna góðar bækur til að lesa...Dröfn hjá Eddunni bennti mér á þessa snilld sem ég er að lesa núna (Gæludýrin eftir Braga) Kollsterinn..upp í sófa með góða bók [5:43 e.h.] [ ] ***
fimmtudagur, október 19, 2006 Allt að koma Það er komið jólabarnið inn í mig...já ég hlakka svo til jólanna nú þegar en eiginlega hlakkar mig meira að segja mun meira til tímans fyrir jólin heldur en jólanna sjálfra. Eða sko...eins og Elísabet segir...sko eða sko ..eða sko skilurur...En svo ég komist að kjarnanum þá hlakka ég endalaust mikið til næstu vikna því nú fara jólabækurnar að koma í ljós hvað og hverju, get ekki beðið eftir að sjá hvað er í boði hver jól í bókaflóðinu. Finnst það þvílíkur forréttindi að vera að vinna í bókabúð. Er búin að fá örlítin smjörþef af jólabókaflóðinu og er orðin vægast sagt spennt. Í næstu viku verður stór bókakynning og spennan er gífurleg. Get ekki skrifað meira, sit hér og líður eins og karlmanni því sjónvarpið er í fullum gangi enda verið að bíða eftir að stöð 2 komist inn á nýja lykilinn ...Alex er að leika með dótið sitt og því fylgja alskyns óhljóð sem hann býr til fyrir hvern kall í leiknum sínum, Elísabet er í eldhúsinu að spyrja mömmu sína um allt sem snýr að kvöldmatnum og ég er að reyna að hugsa hvaða bók ég er mest spennt að lesa :) ekki að ganga í bili en það kemur bara síðar. Hitti Diljá mína í örstutta stund í dag og engin smá geðveiki sem er að gera þarna í Icelandic Airwaves...ég missti mig aðeins þegar mér fannst hún segja við einhvern útlending að Storm væri að koma að syngja..en það var víst bara einhver misskilningur. Kollsterinn..í góðum gír. p.s. Eva sæta og Hulda..takk fyrir stuðningin í kommentum :) alltaf gaman að vita ef einhver er glaður að ég sé að bloggast :) [6:37 e.h.] [ ] ***
miðvikudagur, október 18, 2006 bloggedíblogg Miðvikudagur og mér finnst eins og helgin hafi rétt verið að klárast, alveg elska ég það þegar tíminn flýgur framhjá manni og áður en maður veit af þá er komin helgi barasta. Í dag er góður dagur því í dag flugu til Reykjavíkur frá Egilsstöðum tvær undurfagrar og yndislegar konur ásamt einum rokkara eða svo :)Jebbs Jódís og Puff mínar eru fluttar í borg óttans og langar mig að bjóða þeim formlega velkomnar hér á mínu litla bloggi :) HÚRRA ! HÚRRA ! HÚRRA ! Hlakka svo til að geta hitt Puff mína hvenær sem okkur langar til og fara í göngutúr um vesturbæinn með Yo að tala um lífið og tilveruna :) Annað í fréttum....Hanna siss er öll að koma til , horfðum á sjónvarpið saman áðan og hlógum okkur vitleysar yfir alskyns vitleysu...er ekki frá því að hjúkkurnar fari að útskrifa hana því það var svo mikil gleði á okkur systrum og það er ekkert endilega málið inn á los spítolos deild B2 :) Sá Diljá mína í sjónvarpinu í kvöld...glitti í hana fyrir aftan fréttamanninn og minns geðveikt stolt af sinni..knús til þín Diljá fræga ! Er að hugsa um að henda mér í háttin enda orðin þreytt eftir góðan dag. Kollsterinn...öll að koma til í blogginu [10:31 e.h.] [ ] ***
þriðjudagur, október 17, 2006 bloggið mitt er eitthvað ekki að virka fyrir mig núna...hmm...er að vonast til að þessar línur kippi því í liðinn [8:36 e.h.] [ ] ***
Litla siss mín Í gær var rætt um það hér í Eiðismýrinni að það væri ákveðin blogg-lægð yfir landanum. Það á allavega fullkomnlega við um mig þessa dagana. Það er út af svo mörgum og ólíkum ástæðum og ég finn mig engan vegin knúna til að útskýra það neitt nánar sossum nema kanski að segja dyggum lesendum mínum að ég hef ekki planað sérstaklega að hafa þetta svona mikið mikið lengur en svo veit maður aldrei.Ég átti fallega stund í dag með litlu siss, eyddi stórum parti af deginum hjá henni sætunni. Hún systir mín er svo mikið undur, hún er ólík mér að flest öllu leyti en ég elska hana svo ótrúlega skilyrðislaust. Þegar hinsvegar við vorum yngri þá þoldi ég hana ekki, mér fannst hún frek og erfið og leiðinleg eins og manni finnst oft yngri systkyni þegar maður er á gelgjunni og þau eru alltaf að "trufla" mann af því að þau líklegast líta upp til manns hefði ég haldið. Í dag erum við hinsvegar tvær þroskaðar ungar stúlkur sem elskum hvort aðra og það er svo gott að finna svona fallega systkynaást í hjarta sínu. Og ekki elska ég litla blómið neitt minna (köllum litla bróður litla blómið og það útskýrir sig nokkurvegin sjálft) En já þurfti bara að koma þessu frá mér því ég náði að hugsa þetta svo vel á meðan Hanna sæta siss lagði sig í dag og ég horfði á meistarann og passaði litlu siss á meðan :) Já lífið er fallegt þegar maður skoðar í kringum sig og sér allt fólkið sem maður elskar svo heitt. Kollsterinn...stóra siss [7:54 e.h.] [ ] ***
fimmtudagur, október 12, 2006 Fótspor í snjónum  Yfir í aðra sálma. Í gær og í dag eyddi ég miklum tíma í vinnunni og hafði gaman af. Eftir vinnu í dag þá fór ég í stutta heimsókn til mömmu minnar, finnst svo gott að fara "heim" á Afló alltaf af og til, helst nokkrum sinnum í viku og knúsa múttu mína. Eftir heimsóknina fór ég heim í langa sturtu og settist svo í sófann góða áður en ég fór í bíltúr í seitina. Um kvöldið fór ég senst í seitina til engilsins minns sem er að hjálpa mér með að verða betri manneskja :) Við fórum yfir heilan helling af hlutum sem geta hjálpað mér og ég er ánægð með niðurstöðuna þó ég sé satt að segja alveg nett kvíðin líka. Það er alltaf erfitt að ganga inn í óvissuna sama í hverju það er í lífinu. Það er svo auðvelt að feta alltaf sama veginn og ganga ofaní gömlu sporunum sínum því maður þekkir þau jú svo vel. En núna langar mig að prufa nýja leið..mig langar að búa til nýtt fótspor í hvítan snjóinn og sjá hvort ég geri ekki bara lítin engil á leiðinni :) Já þetta er djúpi fimmtudagurinn gott fólk :) Spjallaði líka heillengi við Nönuna mína í gær um lífið og tilveruna og ég held við séum alveg á sömu blaðsíðu með annsi margt barasta, nema kanski þegar kemur að því að fara í skvass þá hittumst við ekki mikið á en það kemur eins og allt annað ;) Já eins og ein ótrúlega góð kona sagði um daginn ... Núið..það er snúið...því það er jú aldrei Búið !!! ...ást til ykkar. Kollsterinn...andlega þenkjandi. [11:56 e.h.] [ ] ***
þriðjudagur, október 10, 2006 Penninn-Eymundsson hellú.Í dag langar mig að tala um hversu mikið ég elska vinnuna mína. Ég var bara að hugsa þetta áðan á leiðinni heim úr vinnunni. Ég tel mig ótrúlega heppna manneskju að vera í fyrsta lagi að vinna við eitthvað sem ég hef mjög mikin áhuga á og ekki bara það heldur er ég sátt við laun og allt sem ég er að gera í vinnunni minni. Ég er lítt lærð kona en hef gengið skóla lífsins annsi lengi og eiginlega skóla Eymundsson ennþá lengur því ég byrjaði að vinna þar þegar ég var held ég bara 13 ára ef ég man rétt. Þá byrjaði maður að setja í poka fyrir skólavertíð og jólavertíð. Fyrir utan það að þá auðvita kom ég oft með múttu í vinnuna sem lítil hnáta upp á skrifstofu Pennans-Eymundssonar. Í dag er ég orðin verslunarstýra í einni af búðum Pennans-Eymundssonar og til að vera nákvæmari í verslun okkar í Leifsstöð sem er bókabúðarparturinn af þessu batteríi. Já ég er glöð með að vera stödd í lífinu þar sem ég er í dag. Ég er þakklát mömmu minni fyrir að kynna mig fyrir Pennanum og vera besta mamma sem hægt er að hugsa sér. Ég er þakklát Bryndísi Loftsdóttur fyrir að kenna mér undirstöðurnar í bókamálum þegar ég vann fyrir hana í Austurstrætinu góða. Ég er þakklát öllu mínu fólki fyrir að styðja mig í að gera það sem mig langaði til og ekki púa á mig fyrir að sleppa skólagöngunni miklu þegar ég ákvað að fara að vinna. Ég er þakklát svo ótrúlega mörgu fólki sem ég hef kynnst í Pennanum á öllum þeim tíma sem ég hef verið að vinna þar...og þar má í fljótu bragði nefna -Urði mína auðvita (kynntist henni reyndar ekki í vinnunni en við fórum að vinna saman í strætinu og það var æðislegasti tími heims) -Ernu mín Rán, henni kynntist ég svo sannarlega í Eymó og hefði aldrei viljað missa af því , var reyndar soldið erfið við hana þegar hún var að byrja en vá hvað hún er mér mikils virði í dag. -Hulda Dögg eða Döggin mín eins og ég kýs að kalla hana í dag, kynntist henni þegar ég var í stuttan tíma sendill á skrifstofunni og skarta þeim fallega vinskap enn þann dag í dag, vá hvað tíminn er fljótur að líða, finnst svo stutt síðan ég stóð úti í sígó að spjalla við Döggina mína í Kringlos ;) -Æsu sætu barþjónaskvísu sem ég horfði stundum á eftir áður en ég skreið út úr skápnum, þá var hún að vinna á Vegamótum. -Kjartan Kjartans, var skotin í honum þegar ég var sirka bát 12 ára að ég held og við erum bæði svona Penna-börn. -Allt yndislega fólkið á skrifstofunni -Yndislegu stelpurnar mínar í Griffli -Frábæra fólkið í Austurstrætinu sem ég fékk að vinna með heillengi. ...og svona mætti lengi lengi lengi telja :) Áfram PENNINN EYMUNDSSON Kollsterinn...þakklát fyrir sitt. p.s. Laufey sæta...takk sömuleiðis fyrir yndislegan tíma og takk fyrir allt. Það var algjörlega forréttindi að fá að kynnast þér í þessari ferð. Á reyndar eftir að taka þig nokkrum sinnum í Pool eins og ég tók stelpurnar þarna eitt kvöldið manstu ?? hihi Ákvað að skrifa þér nokkrar línur hér þar sem þú ert ekki með blogg og mig langaði að svara kommentinu þínu ;) Oh dear ! Knús til þín og strákanna þinna sæta mín !!! [6:42 e.h.] [ ] ***
sunnudagur, október 08, 2006 Aþþí bara Sælt veri fólkið.Til að segja alveg eins og er þá hefur verið einhver lægð í mér hérna á blogginu og kanski bara líka í hversdagsleikanum. Ekkert sérstakt eitt sem hægt er að benda puttanum á sökum þessa en þetta lagast með tímanum. Þetta kemur allt með kalda vatninu eins og einhver sagði. Fer að hitta góða konu í vikunni sem kemur sem ég veit að getur hjálpað mér og svo er á planinu ferð í sveitina að hitta fullt af góðu fólki og fá tækifæri til að hjálpa öðrum. Er samt ekkert í neinu þunglyndi eða neitt slíkt, bara rétt í þessu er ég ekki í gír til að deila mér neitt voðalega mikið með umheiminum. Svo rétt á meðan þessu stendur þá má alveg reikna með að bloggið verði meira svona á veraldlegu nótunum sem er líka bara allt í góðu :) Er að fara að vinna á eftir, var ekkert hrikalega ánægð með að þurfa að vinna á sunnudegi en það gladdi mig hinsvegar í gær þegar ég hitti Fjalar og Jóa (fallegasta parið) og þeir sögðu mér að þeir væru að fljúga heim í dag...svo ég fæ að hitta þá í vinnunni á eftir :) Við héldum hér afmæli fyrir fjölskyldurnar okkar beggja (mín og Lilju) í tilefni af 11 ára afmæli Elísabetar um daginn...heitt í skralli og fínerí..söknuðum samt Hönnu siss því hún komst ekki sökum próflesturs. Jóel Torfi litli nýbakaði prinsinn í Lilju fjölskyldu vakti mikla lukku þegar hann vaknaði rétt eftir að flestir gestirnir voru farnir og við tjellingarnar fengum að skiptast á að fá hann til að brosa :) svona gullmolar gera alla daga svo fallega...:) Kollsterinn..á leið til Keflavíkurflugvallar [12:27 e.h.] [ ] ***
föstudagur, október 06, 2006 arg...bloggið mitt er ekki að sjást neinsstaðar í netheimum...kemur bara allt hvítt og ekkert að gerast. Og það er ekki klikk hjá blogger því ég get séð önnur blogg sem eru skráð á blogger...skrýtið [9:00 e.h.] [ ] ***
Smá-færsla Halló fallega fólk sem les bloggið mitt. Stúlkan er komin heim frá Benidorm. Fríið var gott , hafði ótrúlega gott af því að fá smá frí. Fannst hinsvegar líka æðislegt að koma heim til konu og barna eftir að hafa verið viku í burtu. Ég elska að búa á Íslandi. Var að vinna allann daginn í gær langt fram á kvöld svo tími til að blogga hefur verið hrikalega lítill eða engin. Skrifa ferðasögu og eitthvað meira þegar ég hef tíma og nenning í mér. Hef lítin nenning haft í mér til að blogga, líðanin er einhvernvegin ekki alveg blogg-leg í mér eins og stendur en það lagast á endanum.Skrifa meira síðar englarnir mínir allir saman. knús Kollsterinn..bara einfaldlega ekki í blogg fíling :) [5:31 e.h.] [ ] ***
|
::Englarnir:: ::Vef-flakk:: |
|
::Gömlu bloggin:: maí 2002 júní 2002 júlí 2002 ágúst 2002 september 2002 október 2002 nóvember 2002 desember 2002 janúar 2003 febrúar 2003 mars 2003 apríl 2003 maí 2003 júní 2003 júlí 2003 ágúst 2003 september 2003 október 2003 nóvember 2003 desember 2003 janúar 2004 febrúar 2004 mars 2004 apríl 2004 maí 2004 júní 2004 júlí 2004 ágúst 2004 september 2004 október 2004 nóvember 2004 desember 2004 janúar 2005 febrúar 2005 mars 2005 apríl 2005 maí 2005 júní 2005 júlí 2005 ágúst 2005 september 2005 október 2005 nóvember 2005 desember 2005 janúar 2006 febrúar 2006 mars 2006 apríl 2006 maí 2006 júní 2006 júlí 2006 ágúst 2006 september 2006 október 2006 ::credits:: |
